rje tsong kha pa blo bzang grags pa ni mdo smad tsong kha yul gyi gdung rus mal gyi rgyud| yab dar ra kha phye ’bum dge dang| yum shing bza’ a chos gnyis kyi sras su rab byung drug pa’i me bya 1357 lor ’khrungs| dgongsdgung lo gsum thog karma rol pa’i rdo rje’i drung nas dge bsnyen gyi sdom pa bzhes te mtshan kun dga’ snying po gsol| dge rgan yon tan rgya mtsho nas klog bslab| chos rje don grub rin chen pas dgung lo gsum nas gces par bzung nas dkyil ’khor gyi dbang stsal| dgung lo bdun thog chos rje de’i drung nas dge tshul gyi sdom pa bzhes te mtshan blo bzang grags pa’i dpal zhes gsol| dgung lo bco lnga bar mdo sde rgyan sogs thugs su chud| dgung lo bcu bdun thog dbus su byon te ’bri gung rgyud tshal gung thang tu phebs rjes dkon mchog skyabs kyi drung nas sman dpyad yan lag brgyad pa’i gzhung la sbyangs pa mdzad| dgung lo bcu dgu’i skabs gsang phu’i gling stod chos grar bzhugs nas phar phyin gyi gra skor mdzad| dgung lo nyi shu rtsa gcig thog gtsang phyogs su phebs nas myang dbon kun dga’ dpal bzang dang rje btsun red mda’ ba gzhon nu blo gros| rje btsun chos kyi dpal ba| sa skya bsod nams rgyal mtshan| snar thang lo tsa’ ba don bzang sogs mkhas grub du ma nas gzhung dbu phar ’dul mngon tshad ma sogs dpyid phyin gsan sbyong mdzad pas mkhas pa’i grags pa thob| bo dong dang| gnas rnying sogs la gra skor mdzad| dgung lo nyer lnga’i thog bla ma dbu ma pa dang lhan du dbus su phebs nas dga’ gdong dang skyor mo lung sogs su ’chad nyan sgom sgrub mdzad thog phar phyin gyi .ti’kka.ti’ka’ mdzad| dgung lo nyi shu rtsa bdun thog yar lung du phebs| mkhan chen dka’ bzhi tshul khrims rin chen gyi drung nas bsnyen rdzogs kyi sdom pa bzhes| rtsed thang gi chos grar bzhugs te dka’ chen bzhi’i gra skor mdzad| spyan snga grags pa byang chub kyi drung du chos bka’ gsan nas lho brag tu bzhugs| dgung lo nyer dgu lor lha sar phebs| tshal gung thang du bka’ ’gyur zhib gzigs mdzad| de nas skyor lung dang| stod lung mtsho smad| ngang dkar sogs su dus ’khor thugs sbyong mdzad de blo gsal mang por sde snod mang du gsungs| dgung lo so drug thog sku ’khor dang bcas bya bral du ’ol dga’ chos lung du phebs nas bsags sbyangs dka’ ba’i brtson pa drag po gtso bor mdzad| rdzing phyi byams pa’i sku brnyan sogs zhig gso mdzad| d’ags po rgya sog lha sdings bcas su yun ring bzhugs| dgung lo sum cu so dgu la rje nyid lho brag grub chen gyi bka’ bzhin lho brag tu phebs te mkhan chen phyag rdor ba nam mkha’ rgyal mtshan gyi drung nas lam rim zab khrid sogs gsan| de’i lor gnyal smad gsal rje dang| gnyal stod rab grong du dka’ bcu’i gra skor mdzad| mkhan chen chos skyabs bzang po’i drung nas chos gsan| rje’i sku ’khor rnams rtsa rir phebs| gnyal stod smad du bstan pa jerje rgyas su spel bar mdzad| dgung lo zhe bzhir lha sar byon nas dga’ gdong du snod ldan rgya mtsho lta bur chos gsungs| dgung lo zhe drug thog ra sgreng du phebs nas byang chub lam rim chen mo mdzad| dgung lo zhe brgyad thog lha sar phebs| dgon gsar du bzhugs nas sde snod ’dzin pa du mar rnam ’grel sogs kyi lung gnang| dgung lo zhe dgur bde chen gsang sngags mkhar zla shas bzhugs nas ’ol dga’ byams gling du phebs te don gnyer can mang por lam rim gyi chos gsungs| slob dpon klu byang gi rnam bzhag gi .ti’ kka dang| sngags rim chen mo brtsams par mdzad| stag tshang lo tsa’ bas bsngags brjod mdzad| dgung lo nga gcig thog lha sar phebs| se ra chos sdings su mkhas grub dge legs dpal dang mjal| dgung lo lnga gsum thog cho ’phrul smon lam chen mo’i srol gtod| ’brog ri bo dga’ ldan phyag btab| dgung lo nga bzhi nas lo gsum ring sku bgegs bzlog ched sku ’khor dang bcas sku mtshams dam par bzhugs| dgung lo nga bdun thog sku khams bsnyun tshul gyis sgrub grogs dang mnyam du sku mtshams su bzhugs| dgung lo nga brgyad skabs dbyar gnas su phebs| de’i lor ’on bkra shis rdo khar gdan ’dren ltar phebs| sde snod ’dzin pa mang por lam rim dang dbu tshad sogs zab rgyas kyi ’khor lo rgya cher bskor| rje nyid kyi dbu skra nyin gcig lan bdun bsil ba’i sku brnyan byin can de dus byung ba yin| dgung lo nga dgu lor dga’ ldan yangs pa can rmang btings| ’grel pa bzhi sbrags mdzad| dgung lo re gcig thog dga’ ldan yangs pa can rten dang brten par bcas pa grub pa’i rab gnas mdzad| cho ’phrul smon lam dang| dga’ ldan sgrub mchod chen mo| gnyal gyi lung ra chen mo| rdzing phyi’i zhig gsos chen mo ste mdzad chen bzhir grags| dgung lo re gsum pa ste sa phag 1419 lo la zhi bar gshegs| ’dir gsung ’bum pod bco brgyad bzhugs